Книга Первое послание к Фессалоникийцам Cтих 3

Ныне же свобождшеся от греха, порабощшеся же Богови, имате плод ваш во святыню, кончину же жизнь вечную. и не сообразуйтеся веку сему, но преобразуйтеся обновлением ума вашего, во еже искушати вам, что есть воля Божия благая и угодная и совершенная. не весте ли, яко телеса ваша удове Христовы суть, вземь ли убо уды Христовы, сотворю уды блудничи, да не будет. бегаите блудодеяния. всяк бо грех, егоже аще сотворит человек, кроме тела есть. а блудяи, во свое тело согрешает. Блуд же и всяка нечистота и лихоимство ниже да именуется в вас, якоже подобает святым: Сего ради не бывайте несмысленни, но разумевайте, что есть воля Божия. Умертвите убо уды вашя, яже на земли: блуд, нечистоту, страсть, похоть злую и лихоимание, еже есть идолослужение,

и ведети комуждо от вас свой сосуд стяжавати во святыни и чести,

а не в страсти похотней, якоже и языцы не ведящии Бога,

и еже не преступати и лихоимствовати в вещи брата своего: зане мститель есть Господь о всех сих, якоже и прежде рекохом к вам и засвидетельствовахом.

Не призва бо нас Бог на нечистоту, но во святость.

Темже убо отметаяй не человека отметает, но Бога, давшаго духа своего святаго в нас.

О братолюбии же, не требуете, да пишется к вам, сами бо вы Богом учени есте, еже любити друг друга:

ибо творите то ко всей братии, сущей во всей македонии. Молим же вы, братие, избыточествовати паче,

и любезно прилежати, еже безмолвствовати и деяти своя и делати своима рукама, якоже повелехом вам:

да ходите благообразно ко внешним и ни чесогоже требуете.

Не хощу же вас, братие, не ведети о умерших, да не скорбите, якоже и прочии не имущии упования.

Аще бо веруем, яко Иисус умре и воскресе, тако и Бог умершыя во Иисусе приведет с ним.

Сие бо вам глаголем словом Господним, яко мы живущии, оставшии в пришествие Господне, не имамы предварити умерших:

яко сам Господь в повелении, во гласе архангелове и в трубе Божии снидет с небесе, и мертвии о Христе воскреснут первее:

потом же мы, живущии оставшии, купно с ними восхищени будем на облацех в сретение Господне на воздусе, и тако всегда с Господем будем.

Темже утешайте друг друга в словесех сих.

← Предыдущая

Первое послание к Фессалоникийцам

1 2 3 4 5

Выбор основного перевода