Книга Первое послание к Фессалоникийцам Cтих 3

несмы бо, якоже мнози, нечисто проповедающии слово Божие, но яко от чтоты, но яко от Бога, пред Богом, во Христе глаголем. но отрекохомся тайных срама, не в лукавствии ходяще, ни льстяще словесе Божия, но явлением истины представляюще себе ко всяцей совести человечестей, пред Богом. Вместите ны: ни единаго обидехом, ни единаго истлихом, ни единаго лихоимствовахом. Или грех сотворих себе смиряя, да вы вознесетеся, яко туне Божие благовествование благовестих вам? Не ухищренным бо баснем последовавше сказахом вам силу и пришествие Господа нашего Иисуса Христа, но самовидцы бывше величествия онаго.

но якоже искусихомся от Бога верни быти прияти благовествование, тако глаголем, не аки человеком угождающе, но Богу искушающему сердца наша.

Никогдаже бо в словеси ласкания быхом к вам, якоже весте, ниже в вине лихоимания: Бог свидетель!

Ни ищуще от человек славы, ни от вас, ни от инех:

могуще в тяготе быти, якоже Христовы апостоли, но быхом тиси посреде вас, якоже доилица греет своя чада.

Тако желающе вас, благоволихом подати вам не точию благовествование Божие, но и душы своя, занеже возлюблени бысте нам.

Помните бо, братие, труд наш и подвиг: нощь бо и день делающе, да не отяготим ни единаго от вас, проповедахом вам благовествование Божие.

Вы свидетеле и Бог, яко прпбно и првно и непорочно вам верующым быхом,

якоже весте, зане единаго когождо вас, якоже отец чада своя,

моляще и утешающе вас, и свидетельствующе вам ходити достойно Богу, призвавшему вы во свое царство и славу.

Сего ради и мы благодарим Бога непрестанно, яко приемше слово слышания Божия от нас, приясте не аки слово человеческо, но, якоже есть воистинну, слово Божие, еже и действуется в вас верующих.

Вы бо подобницы бысте, братие, церквам Божиим сущым во иудеи о Христе Иисусе, зане таяжде и вы пострадасте от своих сплеменник, якоже и тии от иудей,

убивших и Господа Иисуса и его пророки, и нас изгнавших, и Богу не угодивших, и всем человеком противящихся,