Книга Первое послание Иоанна Cтих 6

иже есть от Бога, глаголов Божиих послушает: сего ради вы не послушаете, яко от Бога несте. дух истины, егоже мир не может прияти, яко не видит его, ниже знает его: вы же знаете его, яко в вас пребывает и в вас будет. аще кто мнится пророк быти или духовен, да разумеет, яже пишу вам, зане Господни суть заповеди. Дух же явственне глаголет, яко в последняя времена отступят нецыи от веры, внемлюще духовом лестчым и учением бесовским,

Возлюбленнии, возлюбим друг друга, яко любы от Бога есть, и всяк любяй от Бога рожден есть, и знает Бога:

а не любяй не позна Бога, яко Бог любы есть.

О сем явися любы Божия в нас, яко Сына своего единороднаго посла Бог в мир, да живи будем им.

О сем есть любы, не яко мы возлюбихом Бога, но яко той возлюби нас, и посла Сына своего очищение о гресех наших.

Возлюбленнии, аще сице возлюбил есть нас Бог, и мы должни есмы друг друга любити.

Бога никтоже нигдеже виде. Аще друг друга любим, Бог в нас пребывает, и любы его совершенна есть в нас.

О сем разумеем, яко в нем пребываем, и той в нас, яко от духа своего дал есть нам.

И мы видехом и свидетелствуем, яко Отец посла Сына спасителя миру.

Иже аще исповесть, яко Иисус есть Сын Божии, Бог в нем пребывает, и той в Бозе.

И мы познахом и веровахом любовь, юже имать Бог к нам. Бог любы есть, и пребываяй в любви в Бозе пребывает, и Бог в нем пребывает.

О сем совершается любы с нами, да дерзновение имамы в день судный, зане, якоже он есть, и мы есмы в мире сем.

Страха несть в любви, но совершенна любы вон изгоняет страх, яко страх муку имать: бояйся же не совершися в любви.

Мы любим его, яко той первее возлюбил есть нас.

Аще кто речет, яко люблю Бога, а брата своего ненавидит, ложь есть: ибо не любяй брата своего, егоже виде, Бога, егоже не виде, како может любити?

И сию заповедь имамы от него, да любяй Бога любит и брата своего.

← Предыдущая

Первое послание Иоанна

1 2 3 4 5

Выбор основного перевода