Книга Откровение Иоанна Богослова Cтих 14

и аз же тебе глаголю, яко ты еси петр, и на сем камени созижду церковь мою, и врата адова не одолеют ей: и аз завещаваю вам, якоже завеща мне Отец мой, царство, да ясте и пиете на трапезе моей во царствии моем: и сядете на престолех, судяще обеманадесяте коленома израилевома. и познавше благодать данную ми, иаков и кифа и иоанн, мнимии столпи быти, десницы даша мне и варнаве общения, да мы во языки, они же во обрезание, наздани бывше на основании апостол и пророк, сущу краеугольну самому Иисусу Христу,

И глаголяй со мною имеяше трость злату, да измерит град и врата его и стены его.

И град на четыри углы стоит, и долгота его толика есть, елика же и широта. И измери град тростию на стадий дванадесять тысящ: долгота и широта и высота его равна суть.

И размери стену его во сто и четыридесять и четыри лакти, в меру человеческу, яже есть ангела.

И бе создание стены его иаспис: и град злато чисто, подобен стклу чисту.

И основания стены града всяким драгим камением украшена бяху: основание первое иаспис, второе сапфир, третие халкидон, четвертое смарагд,

пятое сардоникс, шестое сардий, седмое хрисолиф, осмое вирилл, девятое топазий, десятое хрисопрас, первоенадесять иакинф, второенадесять амефист.

И дванадесять врат дванадесять бисеров: едина каяждо врата беша от единаго бисера. И стогны града злато чисто, яко сткло пресветло.

И храма не видех в нем: Господь бо Бог вседержитель храм ему есть, и агнец.

И град не требуя солнца и луны, да светят в нем, слава бо Божия просвети его, и светилник его агнец.

И языцы спасени во свете его пойдут, и царие земстии принесут славу и честь свою в него.

И врата его не имут затворитися во дни: нощи бо не будет ту.

И принесут славу и честь языков в него:

и не имать в него внити всяко скверно, и творяй мерзость и лжу, но токмо написаныя в книгах животных агнца.

← Предыдущая

Откровение Иоанна Богослова

1 2 3 4 5 6 7 8 9 10 11 12 13 14 15 16 17 18 19 20 21 22

Выбор основного перевода