Книга Откровение Иоанна Богослова Cтих 2

сеи есть ученик свидетельствуяи о сих, иже и написа сия. и вем, яко истинно есть свидетельство его. якоже свидетельство Христово известися в вас. Еже бе исперва, еже слышахом, еже видехом очима нашима, еже узрехом, и руки нашя осязаша, о словеси животнем: И егда отверзе пятую печать, видех под олтарем душы избиенных за слово Божие и за свидетелство, еже имеяху. И разгневася змий на жену и иде сотворити брань со оставшим семенем ея, иже соблюдают заповеди Божия и имеют свидетелство Иисус Христово.

Блаажен чтый, и слышащии словеса пророчествия, и соблюдающии писаная в нем: время бо близ.

Иоанн седмим церквам, яже суть во асии: благодать вам и мир от сущаго, и иже бе, и грядущаго, и от седми духов, иже пред престолом его суть,

и от Иисуса Христа, иже есть свидетель верный, первенец из мертвых и князь царей земных: любящу ны и омывшу нас от грех наших кровию своею,

и сотворил есть нас цари и иереи Богу и Отцу своему, тому слава и держава во веки веков. Аминь.

Се, грядет со облаки, и узрит его всяко око и иже его прободоша, и плачь сотворят о нем вся колена земная. Ей, аминь.

Аз есмь алфа и омега, начаток и конец, глаголет Господь, сый, и иже бе, и грядый, вседержитель.

Аз иоанн, иже и брат ваш и общник в печали и во царствии и в терпении Иисус Христове, бых во острове нарицаемем патмос за слово Божие и за свидетелство Иисус Христово.

Бых в дусе в день неделный, и слышах за собою глас велий яко трубы глаголющия: аз есмь алфа и омега, первый и последний:

и: яже видиши, напиши в книгу, и посли церквам, яже суть во асии: во ефес и в смирну, в пергам и в фиатир, и в сардис и в филаделфию и в лаодикию.

И обратихся видети глас, иже глаголаше со мною: и обратився видех седмь светилник златых,

и посреде седми светилников подобна Сыну человечу, облечена в подир и препоясана при сосцу поясом златым:

Глава же его и власи белы аки ярина белая, якоже снег: и очи его яко пламень огнен: