Книга Деяния св. Апостолов Cтих 8

поставиша же свидетели ложны глаголющыя, яко человек сей не престает глаголы хульныя глаголя на место святое сие и закон: и ни в церкви обретоша мя к кому глаголюща или разврат творяща народу, ни в сонмищих, ни во граде, Бысть же по днех триех, созва павел сущыя от иудеев первыя: сшедшымся же им, глаголаше к ним: мужие братие, аз ничтоже противно сотворив людем или обычаем отеческим, узник от иерусалимлян предан бых в руце римляном, Всяка душа властем предержащым да повинуется: несть бо власть аще не от Бога, сущыя же власти от Бога учинены суть. Темже потреба повиноватися не токмо за гнев, но и за совесть.

Фист же хотя угодное иудеем сотворити, отвещав павлови рече: хощеши ли, во иерусалим возшед, тамо о сих суд прияти от мене?

Рече же павел: на судищи кесареве стоя есмь, идеже ми достоит суд прияти: иудей ни чимже обидех, якоже и ты добре веси:

аще бо неправдую или достойно смерти сотворих что, не отмещуся умрети: аще ли же ничтоже есть во мне, еже сии на мя клевещут, никтоже мя может тем выдати: кесаря нарицаю.

Тогда фист состязався с советники, отвеща: кесаря ли нарекл еси? к кесарю пойдеши.

Днем же минувшым неким, агриппа царь и верникиа снидоста в кесарию целовати фиста.

И якоже многи дни пребыста ту, фист сказа царю яже о павле, глаголя: муж некий есть оставлен от филикса узник,

о немже, бывшу ми во иерусалиме, явиша архиерее и старцы иудейстии, просяще нань суда.

К нимже отвещах, яко несть обычай римляном выдати человека коего на погибель, прежде даже оклеветаемый не имать пред лицем клевещущих его и место ответа приимет о своем согрешении.

Сшедшымся же им зде, закоснение ни едино сотворь, на утрие сед на судищи, повелех привести мужа.

Окрест же его ставше клеветницы, ни едину вину, яже аз непщевах, нанесоша:

стязания же некая о своей различней вере имяху к нему и о некоем Иисусе умершем, егоже глаголаше павел жива быти.

Недоумеяся же аз о взыскании сих, глаголах, аще хощет ити во иерусалим и тамо суд прияти о сих.