І сказала раба твая: хай будзе слова гаспадара майго цара ўцехаю мне, бо гаспадар мой цар, як анёл Божы, і можа выслухаць і добрае і благое. І Гасподзь Бог твой будзе з табою.
На Цябе, Госпадзе, спадзяюся; хай ня буду вавек пасаромлены.
Праўдай Тваёй мяне вызвалі і выбаві; прыхілі вуха Тваё да мяне, і ўратуй мяне.
калі будзеш клікаць да ведаў і зьвяртацца да розуму;
калі будзеш шукаць яго, нібы срэбра, і знаходзіць яго, нібы скарб:
тады ўразумееш страх Гасподні і знойдзеш спазнаньне Бога.
Бо Гасподзь дае мудрасьць; і з вуснаў Яго — веды і розум;
Ён дае праведным выратаваньне; Ён — шчыт тым, што ў беззаганнасьці ходзяць.
Ён ахоўвае дарогу праўды і асланяе сьцежку сьвятых Сваіх.
Тады ты зразумееш справядлівасьць і права і шчырасьць, усялякую сьцежку дабра.
Калі ж каму-небудзь з вас не хапае мудрасьці, хай просіць у Бога, Які дае ўсім проста і без дакораў, — і дасца яму.