скажы Аарону і сынам ягоным: так дабраслаўляйце сыноў Ізраілевых, кажучы ім:
хай дабраславіць цябе Гасподзь і захавае цябе!
хай паглядзіць на цябе Гасподзь сьветлым тварам Сваім і ўмілажаліцца зь цябе!
хай паверне Гасподзь твар Свой да цябе і дасьць табе спакой!
Так няхай заклікаюць імя Маё на сыноў Ізраілевых, і Я дабраслаўлю іх.
Каня рыхтуюць на дзень бітвы, але перамога — ад Госпада.
Я, Я — Гасподзь, і няма Збаўцы, апрача Мяне.
Праўда, дарма спадзяваліся мы на пагоркі і на мноства гор; праўда, у Госпадзе Богу нашым — выратаваньне Ізраіля!
Але Я — Гасподзь Бог твой ад зямлі Егіпецкай, — і ты не павінен ведаць іншага бога апрача Мяне, і няма Збаўцы апрача Мяне.
а я голасам хвалы прынясу Табе ахвяру; што абяцаў, выканаю. У Госпада выратаваньне!»