Так кажа Гасподзь: спынецеся на шляхах вашых і разгледзьце, і распытайце пра шляхі старажытных, дзе шлях добры, і ідзеце па ім, і знойдзеце спакой душам вашым. Але яны сказалі: «ня пойдзем».
бо Я даў вам прыклад, каб і вы рабілі тое самае, што Я зрабіў вам.
Бо ў вас павінны быць тыя самыя адчуваньні, як і ў Хрысьце Ісусе;
Ён, быўшы ў Божай прыродзе, не палічыў за рабунак Сваю роўнасьць з Богам,
а прынізіў Сябе Самога, узяўшы вобраз раба, зрабіўшыся падобным на людзей і з выгляду стаўшыся, як чалавек;
упакорыў Сябе і быў паслухмяны аж да сьмерці, і сьмерці крыжовай.
Бо вы на тое пакліканы; бо і Хрыстос пацярпеў за нас, пакінуўшы нам прыклад, каб мы ішлі сьлядамі Ягонымі:
Хто кажа, што жыве ў Ім, той павінен так паводзіць сябе, як Ён паводзіўся.