І сказаў Гасподзь Майсею і Аарону: вось статут Пасхі: ніякі іншапляменец не павінен есьці яе;
а кожны раб, куплены за срэбра, калі абрэжаш яго, можа есьці яе;
пасяленец і найміт не павінен есьці яе.
У адным доме трэба есьці яе, ня выносьце мяса прэч з дому і костак яе ня крышэце.
Уся грамада Ізраіля павінна ўчыняць яе.
А калі паселіцца ў цябе прыхадзень і захоча ўчыніць Пасху Госпаду, дык абрэж у яго ўсіх мужчынскага полу, і тады няхай ён пачне рабіць яе, і будзе як прыродны жыхар зямлі; а ніякі неабрэзаны не павінен есьці яе;
адзін закон хай будзе і прыроднаму жыхару і прыхадню, які пасяліўся сярод вас.
Аднак некаторыя з племя Асіравага, Манасіінага і Завулонавага зьмірыліся і прыйшлі ў Ерусалім.
І весяліўся ўвесь сход зь Юдэі, і сьвятары і лявіты, і ўвесь збор, што прыйшлі ад Ізраіля, і прыхадні, і тыя што прыйшлі зь зямлі Ізраільскай і што жылі ў Юдэі.