І прайшоў ён зямлю Яфрэмавую і прыйшоў у зямлю Шалішу, але не знайшлі; і прайшлі зямлю Шаалім, і там іх няма; і прайшоў ён зямлю Веньямінавую, і не знайшлі.
І сказаў Саўл слузе свайму: вось мы пойдзем, а што мы прынясем таму чалавеку? бо хлеба не засталося ў торбах нашых, і дарунка няма, каб паднесьці чалавеку Божаму; што ў нас?
Але Ісус сказаў ім: ня трэба ім ісьці, вы дайце ім есьці.
Яны ж кажуць Яму: у нас тут толькі пяць хлябоў і дзьве рыбіны.
Ён сказаў: прынясеце іх Мне сюды.
І загадаў народу ўзьлегчы на траву і, узяўшы пяць хлябоў і дзьве рыбіны, узьвёў вочы ў неба, дабраславіў, разламаў і даў хлябы вучням, а вучні — народу.
І елі ўсе, і наеліся; і набралі рэшты кавалкаў дванаццаць кашоў поўных;
а тых, што елі, было каля пяці тысяч чалавек, апроч жанчын і дзяцей.
А Ісус, паклікаўшы вучняў Сваіх, сказаў ім: шкада Мне людзей, бо ўжо тры дні застаюцца пры Мне, і няма чаго ім есьці; і адпусьціць іх няеўшых не хачу, каб не аслаблі ў дарозе.
І кажуць Яму вучні Ягоныя: адкуль нам узяць у пустыні столькі хлябоў, каб накарміць столькі людзей?
І кажа ім Ісус: колькі ў вас хлябоў? А яны адказалі: сем, і трошкі рыбак.
І загадаў людзям узьлегчы на зямлю.
І, узяўшы сем хлябоў і рыбы, узьнёс падзяку, пераламаў і даў вучням Сваім, а вучні — людзям.
І елі ўсе, і наеліся; і набралі рэшты кавалкаў сем кашоў поўных;
А тых, што елі, было чатыры тысячы чалавек, акрамя жанчын і дзяцей.
Ён сказаў ім у адказ: вы дайце ім есьці. І сказалі Яму: хіба што нам пайсьці купіць хлеба дынараў на дзьвесьце і даць ім есьці?
Але Ён папытаўся ў іх: колькі ў вас хлябоў? Ідзеце, паглядзеце. Яны, даведаўшыся, сказалі: пяць хлябоў і дзьве рыбіны.
Тады загадаў ім пасадзіць усіх гуртамі на зялёнай траве.
І паселі радамі па сто і па пяцьдзясят.
Ён узяў пяць хлябоў і дзьве рыбіны, узьвёў вочы да неба, дабраславіў і разламаў хлябы і даў вучням Сваім, каб яны раздалі ім; і дзьве рыбіны падзяліў на ўсіх.
І елі ўсе і наеліся;
і набралі кавалкаў хлеба і рэшты ад рыбін дванаццаць поўных кашоў;
а было тых, што елі хлябы, каля пяці тысяч мужчын.
Вучні Ягоныя адказвалі Яму: адкуль мог бы хто ўзяць тут у пустыні хлябоў, каб накарміць іх?
І спытаўся ў іх: колькі ў вас хлябоў? Яны адказалі: сем.
Тады загадаў людзям узьлегчы на зямлю; і ўзяўшы сем хлябоў і ўзьнёсшы падзяку, пераламаў і даў вучням Сваім, каб яны раздалі; і яны раздалі людзям.
Было ў іх і крыху рыбак; дабраславіўшы, Ён загадаў раздаць і іх.
І елі і наеліся; і набралі рэшты кавалкаў сем кашоў.
Тых, што елі, было каля чатырох тысяч. І адпусьціў іх.