Иң элек Һүҙ булған. Һүҙ Алла менән булған һәм Һүҙ Алла булған.
Һүҙ иң элек үк Алла менән булған.
Беҙ баштан уҡ булған, беҙ ишеткән, үҙ күҙҙәребеҙ менән күргән, күҙәткән һәм ҡулдарыбыҙ менән ҡағылған нәмә – тормош Һүҙе тураһында вәғәзләйбеҙ.
– Мин Иблистең күктән йәшендәй йығылып төшкәнен күрҙем, – тип яуап биргән уларға Ғайса. –
Эйе, Мин һеҙгә йыландарҙың, саяндарҙың өҫтөнә баҫыу һәм дошмандарҙың көсөн еңеп сығыу өсөн хакимлыҡ бирҙем. Һеҙгә бер ни ҙә зыян килтерә алмаҫ.
Балалар, һеҙгә яҙҙым, сөнки һеҙ Атаны танып белдегеҙ. Аталар, мин һеҙгә яҙҙым, сөнки һеҙ баштан уҡ Булыусыны танып белдегеҙ. Егеттәр, мин һеҙгә яҙҙым, сөнки һеҙ көслө, Алла һүҙе һеҙҙең күңелегеҙҙә йәшәй, һәм һеҙ Иблисте еңдегеҙ.