Qorxma bir adam varlı olanda, Evinə sərvət yığılanda.
Çünki öləndə heç nə apara bilməz, Sərvəti ardınca getməz.
Sağ ikən özünü xoşbəxt saysa da, Uğur qazananda təriflənsə də,
Ata-babalarının yanına gedəcək, Sonsuzadək orada işıq görməyəcək.
İnsan dəyərli olsa da, anlamır, Həlak olan heyvana oxşayır.
Buna görə də sizə əmr etdikləri hər şeyə riayət və əməl edin. Amma onların etdiklərini etməyin, çünki söyləyərlər, amma riayət etməzlər.
Ağır və çətin daşına bilən yükləri bağlayıb insanların çiyninə yükləyərlər, özləri isə bu yükləri daşımaq üçün barmaqlarını belə, tərpətmək istəməzlər.