İndi mənə elə bir dərrakəli ürək ver ki, yaxşı ilə pisi ayırd edib Sənin xalqına hökm edə bilim. Başqa cür Sənin bu böyük xalqını kim idarə edə bilər?»
Sən, həqiqətən, idrakı çağırsan, Səs ucaldıb dərrakəni səsləsən,
Bunları gümüş kimi axtarsan, Gizli xəzinə kimi arasan,
Onda Rəbb qorxusunu anlayarsan, Allahı tanıyarsan.
Çünki Rəbb hikmət verir, Onun ağzından bilik və dərrakə çıxır.
Biz Onun hüzurunda ona görə cəsarətlə danışa bilirik ki, Onun iradəsinə uyğun nəsə dilədikdə O bizi eşidir.